Fredrika Johanna Viljoen

12 Maart 1932 – 10 Augustus 2021

Begrafnisbrief

Op 10 Augustus 2021 is ons geliefde ma, ouma, oumagrootjie, suster, familielid en vriendin op die ouderdom van 89 jaar oorlede.

Almal wat haar pad gekruis het, is altyd deur haar immer-teenwoordige glimlag begroet. Haar bereidwilligheid, ywer, getrouheid en stille krag in diens van die Here en veral van haar medemens sal vir ons altyd 'n inspirasie bly.

Ons gun haar die rus by die ewige Vader.

Nagedagtenis

Dankie dat Ma my deur Ma se voorbeeld geleer het dat selfs die kleinste gebaar van omgee en deernis teenoor andere baie meer werd is as die grootste skat op aarde. Dankie dat Ma my ook so vele kere (soms teësinnig) saamgesleep het na "Tannies-aande", waar ons onder andere pannekoek, jafels en koeksisters gebak het, of handvaardighede soos macramé, rottangwerk, kunsnaaldwerk, noodhulp en wie-weet-wat-nog aangeleer het. Dit alles het bygedra om my lewe te verryk. Die laaste paar maande van Ma se verswakkende gesondheid was baie uitdagend, en ek hoop Ma se liggaam en siel is weer nuut gemaak soos dié van 'n hemelwese. Sê liefdegroete vir Pa en Johan. Ek sal Ma baie mis.

Magda (dogter)

Ouma het ons lekker vetgevoer met haar boerekos, terte en lekkernye, en ons sal altyd die bederf en onvoorwaardelike liefde onthou. Rus in vrede Ouma.

Walter (kleinseun), Lorraine & Cara

Ouma (en groot Ouma) Driekie, die altyd-vriendelikste, sorgsaamste en mees tevrede vrou. Nes die honderde voëltjies (mak en wild) waarvoor Ouma so lief was, het Ouma ook vlerke gehad. 'n Engel vir ons, en nou saam met al Jesus se ander engele, rustig, pynloos en weer in Oupa se geselskap daar Bo. Ons sal Ouma altyd mis, maar ook altyd onthou en liefhê. Rus sag Ouma.

Simon, Erika (kleindogter), Nina en Sidney

Rus in vrede Ouma 3kie. Stuur groete vir Oupa in die hemel.

Robey (kleinseun)

Dankie vir die vriendelike en liefdevolle mens wat Ouma was. Ek sal altyd vir Ouma in my gedagtes vashou. Rus in vrede.

Riaan (kleinseun)

Lied 415

Jesus leef, en ons met Hom!

1. Jesus leef, en ons met Hom!
Dood, wie sou vir jou nog bewe?
Jesus lewe en daarom
wek Hy ons tot nuwe lewe.
Laat ons dan die dood nie vrees –
Hy laat ons oorwinnaars wees!

3. Jesus leef, en maak die dood
nou vir my die poort tot lewe.
Hy, oorwinnaar, weig, groot,
sal getrou my nooit begewe.
Word my aardse huis gesloop –
Hy is Lewe; Hy is Hoop!

Lied 512

Nader my God, by U

U ken my angs en vrees, U staan my by.
U lei my deur U Gees; maak my weer vry.
U woord verseker my: Nader, my God, by U,
nader, my God, by U, nog naderby.

Waar hartseer pyn en leed my weerloos laat,
Sal U my nooit vergeet; my nooit verlaat.
Deur lyding bring U my, nader, my God, by U,
nader, my God, by U, nog naderby.

Roudiens

Diens deur:

dr. ds. Chris Malan vanuit die NG Kerk, Kleinmond, op Saterdag 21 Augustus om 11:00

Huldeblyk en bedankings:

Boet Botma – Broer